• :
  • :
    • On Air
    • Mithilanchal dallan
    • Up Next
    • Mithilanchal News

समाचार

२३ वर्षमुनिको एएफसी च्याम्पियनसिप छनौट ः ३३ वर्षपछि आज युएई र नेपालको आमना सामना

२३ वर्षमुनिको एएफसी च्याम्पियनसिप छनौट ः ३३ वर्षपछि आज युएई र नेपालको आमना सामना

मिथिलाञ्चल समाचारदाता असार ३१ गते,काठमाडौ ।

एएफसी २३ वर्षमुनिको च्याम्पियनसिप छनोटमा नेपालले शुक्रबार संयुक्त अरब इमिरेट्ससँग खेल्दैछ । खेल युएइमा बेलुका सवा ८ बजेपछि सुरु हुनेछ । समूहका सबै टिम बलिया रहेपनि नेपाल समूह विजेता बन्दै च्याम्पियनसिपमा छनोट हुने लक्ष्य राखेको नेपालका प्रशिक्षक राजुकाजी शाक्यले बताएका छन् । मैत्रीपूर्ण खेलमा बंगलादेशलाई हराएर युएइ पुगेको नेपाली टीम प्रतियोगिताको उद्घाटन खेलमा घरेलु टोलीलाई हराउन तयार रहेको प्रशिक्षक शाक्यको भनाई छ । तर उसकै घरेलु मैदानमा बलियो मानिएको युएईसँग खेलन नेपाललाइृ त्यति सहज भने हुने छैन । युएर्यसँग नेपाल ३३ वर्षपछि खेल्दैछ । सन् १९८४ मा एशियन कप छनोटमा एक पटक युएई र नेपाल आमनेसामने भएका थिए । त्यसबेला नेपाल युएईसँग ११–० गोलले अन्तरले पराजित भएको थियो । प्रतियोगिताको समूह डिमा रहेको नेपालले सोमबार उज्वेकिस्तानसँग र बुधबार लेबनानसँग खेल्नेछ । अर्को वर्ष चीनमा हुने एएफसी २३ वर्षमुनिको फुटवल च्याम्पियनसिपको छनोटमा सहभागी ४० टोलीलाई १० समूहमा विभाजन गरिएको छ । प्रत्येक समूहका समूह विजेता र १० समूहका उत्कृष्ट पाँच उपविजेता टोली फाइनलको लागि छनोट हुनेछन् ।



यसमा तपाईको मत