• :
  • :
    • On Air
    • Mithilanchal Vishesh (Mahila Vishesh )
    • Up Next
    • Mithilanchal News

समाचार

सोमबार चुनाव प्रचारको अन्तिम दिन, शीर्ष नेता को कहाँ व्यस्त ?

सोमबार चुनाव प्रचारको अन्तिम दिन, शीर्ष नेता को कहाँ व्यस्त ?
मंसिर १८ गते,काठमाडौं ।
प्रतिनिधिसभा तथा प्रदेशसभाको दोस्रो चरणको चुनावका लागि राजनीतिक दल र उम्मेदवारले सोमबार अन्तिम प्रचार गर्दैछन् । सोमबार रातिदेखि मौन अवधि सुरु हुने भएकाले दलका नेता र उम्मेदवार सोमबार अन्तिम चरणको प्रचारमा जुट्ने भएका हुन् ।
प्रधानमन्त्री एवं कांग्रेस सभापति शेरबहादुर देउवा दिनभर गृहजिल्ला डडेल्धुराको चुनावी कार्यक्रममा सहभागी हुने कांग्रेस निर्वाचन परिचालन समितिका संयोजक बालकृष्ण खाँणले जानकारी दिनुभयो ।
एमाले अध्यक्ष केपी शर्मा ओली भने आज काठमाडौं क्षेत्र नम्बर ३ र भक्तपुर क्षेत्र २ को कार्यक्रममा सहभागी हुनुहुने छ । यस्तै माओवादी केन्द्रका अध्यक्ष पुष्पकमल दाहाल प्रचण्ड चितवनमा नै व्यस्त हुनुहुनेछ ।
आउँदो विहीबार हुने ४५ जिल्लाको चुनाबका लागि सोमबार मध्यरातिदेखि चुनाव नसकुन्जेलसम्म दल तथा उम्मेदवारले प्रचारप्रसार गर्न पाउँदैनन् । मौन अवधिमा प्रचार प्रसार र मत माग्न पाईंदैन साथै मतदान केन्द्रको ३ सय मिटर वरिपरि राखिएका आ–आफ्ना चुनाव चिह्न तथा प्रचारप्रसारका सामग्री हटाउनुपर्छ ।
मौन अवधि सुरु भएपछि सभा सम्मेलन घरदैलो लगायत कार्यक्रम गर्न नपाइने मात्र होइन, फेसबुक ट्वीटर, यु ट्युव लगायत सामाजिक सञ्जाल तथा एसएमएसमार्फत पनि भोट माग्न वा कुनै उम्मेदवार र पार्टीको प्रचार गर्न नपाइने निर्वाचन आयोगले जनाएको छ ।
यसैबिच सोमबारसम्ममा सबै मतदान केन्द्रमा कर्मचारी पुगिसक्ने निर्वाचन आयोगले जनाएको छ । दोश्रो चरणमा चुनाव हुने सवै क्षेत्रमा सोमबारसम्म कर्मचारी पुगिसक्ने र मंगलबार र बुधबार मतदाता परिचयपत्र वितरण गरिने आयोगका प्रवक्ता नवराज ढकालले जानकारी दिनुभयो ।
 


यसमा तपाईको मत