• :
  • :
    • On Air
    • Up Next
    • Station Opening ( Bhajan)

समाचार

कर्णाली प्रिमियर लिग (केपीएल) आजबाट सुरु

कर्णाली प्रिमियर लिग (केपीएल) आजबाट सुरु
जेठ ३ गत्ते ,काठमाडौं । 
कर्णाली प्रिमियर लिग (केपिएल) बिहीबारबाट सुरु भएको छ ।
खेलको उद्घाटन गर्दै प्रदेश प्रमुख दुर्गाकेश खनाल र सामाजिक विकास मन्त्री दल रावलले उद्घाटन गर्नुभएको थियो । प्रदेश प्रमुख दुर्गाकेशर खनालले युवाहरुले क्रिकेटप्रति देखाएको उत्साह प्रशंसनिय रहेको बताउनुभयो ।
उहाँले क्रिकेट खेलको सम्भावना धेरै रहेकोे बताउँदै क्रिकेट खेलाडीहरुले अन्तर्रा्ष्ट्रियसम्म आफ्नो पहिचान गराउनुपर्ने बताउनुभयो । उहाँले खेलकुदको विकासका लागि प्रदेश सरकारले लाग्ने पनि विश्वास व्यक्त गर्नुभयो ।
यस्तै कार्यक्रममा समाजिक विकास मन्त्री दल रावलले कर्णाली प्रदेशको राजधानी वीरेन्द्रनगरमा अन्तर्रा्ष्ट्रिय स्तरको सुविधासम्म खेलकुद मैदानका गराउने बताउनुभयो । उहाँले यसै आर्थिक वर्षमा खेलकुद मैदानको डीपीआर तयारका लागि पनि बजेट छुट्टाएको जानकारी दिँदै अबको दुई वर्षमा प्रदेश स्तरिय खेलकुद मैदान तयार गरिने बताउनुभयो ।
उहाँले कर्णाली प्रदेशका १० वटै जिल्लामा खेलकुदको विकास गरिने बताउँदै उच्च एक हिमाली जिल्लामा माउन्टेन स्पोष्ट एकेडेमी बनाउने बताउनुभयो । यस केपीएलले कर्णाली प्रदेशको खेलकुद विकासमा ठूलो सहयोग पुगेको उहाँले बताउनुभयो ।
कर्णाली प्रिमियर लिगमा १० टिमको सहभागिता रहेको छ । खेलको उद्घाटन खेलमा वीरेन्द्रनगरमा रहेको रंगशालामा अहिले भेरीगंगा स्पोट्र्स क्लब र टीकापुर क्रिकेट क्लबबीच खेल सुरु भएको छ ।
बन्धुविकास बहुउद्देश्यीय सहकारी संस्था सुर्खेतको आयोजना भएको प्रतियोगिता जेठ १२ गतेसम्म सञ्चालन हुनेछ । कर्णाली प्रदेशमै पहिलो पटक सर्वा्धिक राशीको प्रतियोगिताको विजेताले ३ लाख, उपविजेताले १ लाख ५० हजार रुपैयाँ नगद पुरस्कारसहित ट्रफी पाउनेछन् ।
प्रत्येक दिन भाग्यमानी एक जना दर्शकले एक हजार पाउने आयोजकले जनाएको छ ।
 


यसमा तपाईको मत