• :
  • :
    • On Air
    • Sapna sapne Rahigel
    • Up Next
    • Hindi Filmi Songs

समाचार

बंगबन्धु गोल्डकपःनेपाल ताजिकिस्तानको आमनासामना

बंगबन्धु गोल्डकपःनेपाल ताजिकिस्तानको आमनासामना
 आश्विन १६ गत्ते,जनकपुरधाम ।
बंगबन्धु गोल्डकपको नयाँ संस्करण आजदेखि बंगलादेशमा सुरु हुँदैछ ।
 
साविक विजेता नेपालले उदघाटन खेलमा मंगलबार ताजिकिस्तानसँग प्रतिस्पर्धा गर्दैछ । 
 
बंगलादेशको सिलेट डिस्ट्रिक्ट रंगशालामा हुने खेल नेपाली समयअनुसार सवा ६ बजेदेखि सुरु हुनेछ ।
 
सन् २०१६ मा भएको प्रतियोगिताको चौथो संस्करणमा नेपालले बहराइनको यू–२३ टोलीलाई हराएर उपाधि जितेको थियो । 
ताजिकिस्तानविरुद्धको खेलअघि नेपाली टोलीका प्रशिक्षक बालगोपाल महर्जनले अन्तिम समयमा सहभागिता निश्चित भएपछि छोटो तयारीका बावजूद सहभागिता जनाएको बताउनुभयो । 
 
‘अन्तिम समयमा सहभागिता निश्चित भयो, त्यसैले ४–५ दिनको मात्र तयारी गर्न भ्यायौं ।’उहाँले एसियाकै बलियो टोलीसँगको प्रतिस्पर्धा कठिन हुने बताउनुभयो । 
‘ताजिकिस्तानसँग एएफसी एसियन कपको छनोट चरणमा खेलेको अनुभव छ । 
 
त्यस खेलको विश्लेषण गरेर हामी सचेत भइ खेल्छौं ।’ प्रशिक्षक महर्जनले थप्नुभयो, ‘उनीहरु हामीभन्दा शारीरिक, मानसिक र प्राविधिक रुपमा बलियो भए पनि हामीले राम्रो रणनीति अनुसार धैर्यता अपनाएको खण्डमा रिजल्ट कुनै पनि बेला हाम्रो पक्षमा आउन सक्छ ।’
 
‘विगतको नतिजा भनौं वा विश्वकपकै उदाहरण दिन सकिन्छ । उत्तर कोरियाले जर्मनीलाई हराएकोदेखि लिएर जर्मनीले ब्राजिलसँग ७ गोल खाएकोसम्मलाई हेर्दा फुटबलमा केही भन्न नसकिने निश्चित भएको छ । 
त्यसैले भोलिको म्याचमा ताजिकिस्तानसँग कसरी ३ अंक लिने वा कम्तिमा १ अंक लिने प्रयास हाम्रो हुनेछ ।’ प्रशिक्षक महर्जनले भन्नुभयो ।
 
मंगलबार ताजिकिस्तानविरुद्ध उत्रँदै गर्दा नेपाली टोली साविक विजेताको दबाबमा हुनेछ । 
 
हालै सम्पन्न साफ च्याम्पियनसिपको सेमिफाइनलमा पराजित भएको नेपालले बलियो मानिएका ताजिकिस्तान र प्यालेस्टाइनसँग समूह चरणमै प्रतिस्पर्धा गर्नुपर्नेछ ।
 
फिफा वरीयातामा नेपालभन्दा ४० स्थान माथि रहेको ताजिकिस्तानसँग नेपालले गएको वर्ष दुई खेलमा हार व्यहोरेको थियो ।
 
 एएफसी एसियन कप छनोटको तेस्रो चरणमा नेपालले ताजिकिस्तानसँग घरेलु मैदानमा २–१ गोलको पराजय व्यहोरेको थियो भने ताजिकिस्तानको मैदानमा ३–० ले पराजित भएको थियो ।
 
नियमित टोलीमा रहेका डिफेण्डर रोहित चन्द र गोलरक्षक किरण चेम्जोङ विदेशमा व्यवसायिक लिग खेलिरहेका कारण नेपाली टोलीमा उपस्थित छैनन् ।उनीहरुको अनुपस्थितिले नेपाली टोलीलाई असर पर्न सक्छ । अन्य सबै खेलाडीहरु भने साफ च्याम्पियनसिपमा सहभागिता जनाएकाहरु नै छन् ।
 


यसमा तपाईको मत