• :
  • :
    • On Air
    • Hindi songs
    • Up Next
    • Mithilanchal News

समाचार

जनकपुरबाट ८३ लाख नगदसहित समातिए ४ हुण्डी कारोबारी

जनकपुरबाट ८३ लाख नगदसहित समातिए ४ हुण्डी कारोबारी


पुस २२ गत्ते जनकपुरधाम ।
काठमाडौं–प्रदेश प्रहरी कार्यालय जनकपुरबाट खटिएको टोलीले ८३ लाख ५७ हजार रुपैयाँसहित ४ जना हुण्डी कारोबारीलाई नियन्त्रणमा लिएको छ ।


जनकपुर उपमहानगरपालिका– ११ स्थित किशोरीनगरमा रहेको रामेश्वर शाहको घरमा अवैध कारोबार हुने गरेको भन्ने सूचनाको आधारमा पुगेको प्रहरीले सो नगदसहित हुण्डी कारोबारीलाई पक्राउ गरेको हो ।


दुई नम्बर प्रदेश प्रहरी कार्यालयका प्रमुख हरि पालका अनुसार पक्राउ पर्नेमा भारत मधुवनी बासोपट्टका सन्तोष महतो र नरेश महतो तथा जनकपुर उपमहानथरपालिका १९ का विजय यादव र सोही उपमहानगरपालिका वडा नम्बर २ का मोख्तार महमद रहेका छन् ।


प्रहरीले उनीहरुको साथबाट विभिन्न बैंकको ३० थान चेक, बैंक भौचर र हुण्डी कारोबारको लागि प्रयोग भएका हिसाव खाताका साथै ६ थान मोबाइल बरामद गरेको छ ।


 



यसमा तपाईको मत